Trese pesos na biyahe, papalayo sa ‘yo
Matapos ang isang pagniniig
Ng mga pangarap at panunuyo
Ng sandaling singbilis ng panaginip
Trese pesos na biyahe, nang iwanan kita
Singbilis ng pagtakbo ng daigdig
Ng mga isiping isinama
Sa paglayag ng pag-aalumpihit
Sa trese pesos, ako ay nagsisi
Mabuti pang nawalan ng pamasahe
At baka sakaling ako ay namalagi
Hindi na lumayo sa tabi mo’y nanatili.
No comments:
Post a Comment