Eto ang ilan sa mga panahong hindi ko mapigilang sumenti. makiisa po tayo at ipanalangin natin sila Sally, Ramon, Elizabeth at lahat ng OFW na lalaging nasa bingit ng panganib ang buhay...
Paano
maihahatid
ang pabulong na sigaw
Ang panalangin
ng ama,
ina at kapatid
Usal ng anak,
asawang humihikbi
Paanong sa ‘yo ay sasagip?
Paano
maipababatid
ang palahaw ng uhaw
Pinahabang lubid ng buhay
pinaikli ng gutom
sa panganib nabulid Paano
ang kinabukasang
biglang nabalahaw
Paano nga kaya masasagip?
Paanong
pipigilin
ang buhay mo’y kitlin
Paanong
ang bangis
kayaning amuin
Paanong sa dalangin
anak ay ibilin?
Paano kaya sila makikinig?
Na maraming buhay ang mangingilid
Sa luha mong bukas ay bibitin...
------------------------------
No comments:
Post a Comment